నాలుగేళ్ళ అల్జీరియా బాలుడు షార్జాలోని అల్‌ ముహారియా ప్రాంతంలోని ఓ భవనం 18వ అంతస్తు నుంచి కిందికి పడి అక్కడికక్కడే చనిపోయాడు. ఘటన గురించి తెలుసుకున్న వెంటనే అంబులెన్స్‌ మరియు అల్‌ బుహారియా పోలీస్‌ స్టేషన్‌ పెట్రోల్స్‌ ఆ ప్రాంతానికి చేరుకున్నారు. అయితే అప్పటికే తీవ్ర గాయాలతో ఆ బాలుడు చనిపోయాడు. అల్‌ ఖాసిమి ఆసుపత్రికి బాలుడి మృత దేహాన్ని తరలించారు. ఇంట్లోని ఫర్నిచర్‌ ద్వారా విండో చేరుకున్న బాలుడు, అక్కడి నుంచి పడిపోయినట్లుగా పోలీసులు వెల్లడించారు. బాలుడి తల్లిదండ్రుల్ని పోలీసులు విచారిస్తున్నారు. యూఏఈలోని వ్యాప్తంగా ఇలాంటి మరణాలు చోటు చేసుకుంటుండడంతో హైరైజ్‌ భవనాలకు మరింత కఠినంగా సేఫ్టీ రూల్స్‌ని అమలు చేయాలని ఆదేశాలు జారీ చేస్తున్నారు. పిల్లల విషయంలో తల్లిదండ్రులు జాగ్రత్తగా ఉండాలనీ, నిర్లక్ష్యం ప్రదర్శిస్తే తల్లిదండ్రులపైనా చర్యలుంటాయని పోలీసులు హెచ్చరించారు. ఎత్తయిన భవనాల విషయంలోనే కాకుండా, కత్తి లాంటి పదునైన వస్తువుల విషయంలో కూడా తల్లిదండ్రులు జాగ్రత్తగా ఉండాలని, పిల్లల్ని జాగ్రత్తగా చూసుకోవాలని కోరారు అధికారులు.