‘గాడ్ ఫాదర్’ సినిమాతో తనకిష్టమైన డైరెక్టర్లలో ఒకరైన మోహన్ రాజాకి మెగాస్టార్ చిరంజీవి అవకాశమిచ్చారు. ‘గాడ్ ఫాదర్’ రీమేక్ మూవీనే అయినప్పటికీ చిరంజీవిని ఆ సినిమాలో చూపించిన విధానం ఆకట్టుకుంది. మరీ ఎక్కువ అంచనాలకు పోయపోయినప్పటికీ చిరంజీవి రేంజ్‌కి ‘గాడ్ ఫాదర్’ సినిమా ఫర్వాలేదనిపించింది.

అది రీమేక్ మూవీ కావడంతో ఓ స్ర్టెయిట్ మూవీకి కూడా మరోసారి మోహన్ రాజాతో కలిసి పని చేయాలని, అప్పుడే ఆయనకి మాటిచ్చారట చిరంజీవి. చిరంజీవి మాటిస్తే అంతే.! ఖచ్చితంగా నెరవేర్చుకుంటారు. ఎక్కువ టైమ్ కూడా తీసుకోరు అందుకోసం.

అలా మోహన్ రాజాకి మళ్లీ టైమొచ్చింది. చిరంజీవితో కలిసి పని చేసే అవకాశమొచ్చింది.  ఈ సారి మెగాస్టార్ చిరంజీవి కోసం అద్భుతమైన స్టోరీ ప్రిపేర్ చేశారట మోహన్ రాజా. స్ర్కిప్టు వర్క్ కంప్లీట్ అయిపోయిందనీ తెలుస్తోంది.

త్వరలోనే ఈ ప్రాజెక్ట్ అనౌన్స్ చేయనున్నారట. అలాగే, ఈ ఏడాదిలోనే ఈ సినిమా పట్టాలెక్కనుందనీ తెలుస్తోంది. ప్రస్తుతం చిరంజీవి ‘విశ్వంభర’ సినిమా చేస్తున్న సంగతి తెలిసిందే.

ఈ సినిమా దాదాపు షూటింగ్ చివరి దశకు చేరుకుంది. బహుశా ఈ సినిమా పూర్తి కాగానే మోహన్ రాజా సినిమానే పట్టాలెక్కించనున్నారేమో చిరంజీవి. చూడాలి మరి.