న్యూఢిల్లీ: అబుదాబి నుంచి ఢిల్లీ వెళ్లాల్సిన ఇండిగో ఫ్లైట్ 6E 1406 సాంకేతిక లోపం కారణంగా ఒమన్‌లోని మస్కట్‌కు మళ్లించినట్టు ఇండిగో తెలిపింది. ప్రయాణీకులకు మస్కట్‌లో వసతి కల్పించామని, వారిని గమ్యస్థానానికి చేర్చేందుకు ప్రత్యామ్నాయ ఏర్పాట్లు చేసినట్టు తెలిపింది.టేకాఫ్ అయిన వెంటనే విమానం కంపించందని,  దీంతో విమానాన్ని మళ్లించినట్టు ప్రయాణికులు తెలిపారు.

"ఇండిగో ఫ్లైట్ 6E 1406 అబుదాబి నుండి ఢిల్లీకి బయలుదేరింది. సాంకేతిక సమస్య కారణంగా మస్కట్‌కు మళ్లించాము.  అవసరమైన నిర్వహణ తర్వాత విమానం తిరిగి షెడ్యూల్ అవుతుంది. కస్టమర్లకు మస్కట్‌లో హోటల్ వసతి కల్పించాం. ప్రయాణీకులకు కలిగిన అసౌకర్యానికి మేము చింతిస్తున్నాము. ”అని ఇండిగో ప్రతినిధి వెల్లడించారు.