యూఏఈ: ఎమిరేట్స్ లో మొదటి అధీకృత లాటరీని నిర్వహించడానికి లైసెన్స్‌ను యూఏఈ గేమింగ్ అథారిటీ మంజూరు చేసింది. వాణిజ్య గేమింగ్ ఆపరేటర్ అయిన గేమ్ LLCకి లాటరీ లైసెన్స్ మంజూరు చేశారు.  జనరల్ కమర్షియల్ గేమింగ్ రెగ్యులేటరీ అథారిటీ (GCGRA) ఈ మేరకు ప్రకటించింది. ఇది వాణిజ్య గేమింగ్ రంగానికి కొత్త మైలురాయిగా నిలుస్తుందన్నారు.   

GCGRA ఛైర్మన్ జిమ్ ముర్రెన్ మాట్లాడుతూ.. యూఏఈలో లాటరీ వాతావరణాన్ని సురక్షితంగా మార్చుతుందన్నారు. అదే సమయంలో సురక్షితమైన వాణిజ్యాన్ని పెంపొందించడంలో తమ నిబద్ధతను కొనసాగిస్తామని తెలిపారు.

GCGRA నుండి అనుమతి లేకుండా యూఏఈలో వాణిజ్య గేమింగ్ కార్యకలాపాలలో పాల్గొనడం, నిర్వహించడం చట్టవిరుద్ధం. ఉల్లంఘనకు పాల్పడిన వారికి భారీ జరిమానాలు విధిస్తారు.  అదే విధంగా లైసెన్స్ లేని ఆపరేటర్ల ద్వారా పాల్గొనడం కూడా చట్టవిరుద్ధం.