దోహా: ట్రాఫిక్ ఉల్లంఘన జరిమానాలపై జూన్ 1న ప్రారంభమైన 50% తగ్గింపు ఆగస్టు చివరి నాటికి ముగుస్తుందని అంతర్గత వ్యవహారాల మంత్రిత్వ శాఖ తెలిపింది. గల్ఫ్‌లో మరియు చుట్టుపక్కల ప్రయాణించే పర్యాటకుల సంఖ్య పెరుగుతున్నందున ట్రాఫిక్ ఉల్లంఘనలపై కొత్త నియమాలు, విధానాలతో పాటు తగ్గింపు ఆఫర్ ను ప్రవేశపెట్టారు. ఖతార్ పౌరులు, నివాసితులు, సందర్శకులు,  గల్ఫ్ కోఆపరేషన్ కౌన్సిల్ (GCC) దేశాల పౌరులు తగ్గింపునకు అర్హులని మంత్రిత్వ శాఖ పేర్కొంది. మూడు సంవత్సరాల కంటే ఎక్కువ వ్యవధిలో నమోదు చేయబడిన ఉల్లంఘనలకు కూడా తగ్గింపు వర్తిస్తుందని వెల్లడించింది.