యూఏఈ: బంగ్లాదేశ్ మిషన్లు యూఏఈలోని  పౌరులకు "అత్యంత సంయమనం" మరియు స్థానిక చట్టాలకు కట్టుబడి ఉండాలని సూచించాయి. స్థానిక చట్టాలు మరియు నిబంధనల గురించి స్వదేశీయులకు మార్గనిర్దేశం చేసేందుకు అబుదాబిలోని బంగ్లాదేశ్ రాయబార కార్యాలయం, దుబాయ్‌లోని కాన్సులేట్-జనరల్ అవగాహన ప్రచారంలో భాగంగా ఈ అలెర్ట్ జారీ చేసింది. 15 ఏళ్లుగా అధికారంలో ఉన్న బంగ్లాదేశ్ ప్రధాని షేక్ హసీనా సోమవారం నాడు ఆమె నివాస భవనంపై నిరసనకారులు దాడి చేయడంతో రాజీనామా చేశారు. ఆమె భారతదేశంలో తలదాచుకున్నారు. దేశవ్యాప్తంగా జరిగిన  ఘర్షణలలో దాదాపు 100 మంది వరకు చనిపోయారు. 

యూఏఈలో నివసిస్తున్న ప్రవాస బంగ్లాదేశీయులందరూ అత్యంత సంయమనం పాటించాలని, శాంతియుతంగా మరియు సామరస్యపూర్వకంగా సహజీవనం చేయాలని,  నిబంధనలకు కట్టుబడి ఉండాలని బంగ్లాదేశ్ మిషన్లు ఒక ప్రకటనలో తెలిపాయి.

గత నెలలో హసీనా ప్రభుత్వానికి వ్యతిరేకంగా యూఏఈ వీధుల్లోకి వచ్చినప్పుడు కొంతమంది బంగ్లాదేశీయులు స్థానిక చట్టాన్ని ఉల్లంఘించారు. దేశంలోకి అక్రమంగా ప్రవేశించి ర్యాలీలో పాల్గొన్నందుకు మరో 53 మందికి కోర్టు 10 ఏళ్లు, ఒక నిందితుడికి 11 ఏళ్ల జైలు శిక్ష విధించింది. ఒక మిలియన్ కంటే ఎక్కువ బంగ్లాదేశ్ పౌరులు ఇక్కడ నివసిస్తున్నారు.