కువైట్: కువైట్ అంతర్గత వ్యవహారాల మంత్రిత్వ శాఖ ఆగస్టు 18 నుండి బయో మెట్రిక్ నమోదు చేసుకోవడానికి వీలుగా మొబైల్ బయోమెట్రిక్ స్కానర్‌లను వైకల్యం ఉన్న వ్యక్తులకు వారి ఇళ్ల వద్దకు పంపనున్నట్లు తెలిపింది. జనరల్ డైరెక్టరేట్ ఆఫ్ ఇన్ఫర్మేషన్ సిస్టమ్స్‌తో కలిసి మంత్రిత్వ శాఖ జనరల్ డిపార్ట్‌మెంట్ ఆఫ్ క్రిమినల్ ఎవిడెన్స్ చేసిన ఈ చొరవ సదరు వ్యక్తులు ఆన్‌లైన్ ప్రభుత్వ సేవలను యాక్సెస్ చేయడాన్ని సులభతరం చేయడంతోపాటు మరింత సౌకర్యవంతంగా చేయడం లక్ష్యంగా పెట్టుకుందని వెల్లడించింది.

 వికలాంగులు వాట్సాప్ నంబర్ 94458124 ద్వారా వారి బయోమెట్రిక్ ప్రింట్‌లను నమోదు చేసుకోవడానికి అపాయింట్‌మెంట్ పొందవచ్చు. అంతర్గత మంత్రిత్వ శాఖ కువైట్ పౌరులు,  ప్రవాసులు తమ బయోమెట్రిక్‌లను నమోదు చేసుకోవడానికి గడువును వరుసగా సెప్టెంబర్ 30, డిసెంబర్ 31 వరకు పొడిగించింది.