విలక్షణ నటుడు విక్రమ్ సినిమాలకు తెలుగులోనూ మంచి మార్కెట్ వుంది. ‘అపరిచితుడు’ తదితర సినిమాలు గతంలో తెలుగులోనూ మంచి వసూళ్లు రాబట్టాయ్.
తాజాగా విక్రమ్ ‘తంగలాన్’ సినిమాతో ప్రేక్షకుల ముందుకొచ్చిన సంగతి తెలిసిందే. రెండు తెలుగు స్ట్రెయిట్ సినిమాలతో పాటూ వచ్చిన ఈ సినిమాకి మంచి రివ్యూసే వచ్చాయ్.
అదే రోజు రిలీజైన ‘మిస్టర్ బచ్చన్’, ‘డబుల్ ఇస్మార్ట్’ సో సో టాక్ సొంతం చేసుకుంటే, ‘తంగలాన్’ బాగుందన్న టాక్ దక్కించుకుంది. పాజిటివ్ రివ్యూస్ వచ్చాయ్.
కానీ, ఎందుకో తెలీదు తెలుగు మీడియా ‘తంగలాన్’ని లైట్ తీసుకుంది. డిఫరెంట్ స్టోరీ, విక్రమ్ పర్‌ఫామెన్స్, మాళవిక పాత్ర.. ఇలా ఎన్నో ఆసక్తికరమైన విషయాలున్నాయ్ ఈ సినిమాలో.
కానీ, సరైన ప్రచారం లేక ఈ సినిమా సోదిలో లేకుండా పోయింది. మరోవైపు విక్రమ్, మాళవిక మోహనన్ అండ్ టీమ్ సినిమాని తెలుగులోనూ బాగానే ప్రమోట్ చేశారు.
మాళవిక విషయానికి వస్తే, ఓ వైపు ‘రాజా సాబ్’ షూటింగ్‌తో బిజీగా వున్నప్పటికీ ‘తంగలాన్’ ప్రమోషన్లకు సైతం హాజరయ్యింది. ఏం జరిగిందో ఏమో కానీ, తెలుగు మీడియా మాత్రమే ఈ సినిమాని పక్కన పెట్టేసింది. అయినా కంటెంట్ బాగుంటే, ఆ సినిమా సక్సెస్‌ని ఆపడం ఎవ్వరి తరం కాదు.
లాంగ్ వీకెండ్, రక్షా బంధన్ వంటి సెలవులు కలిసి రావడం.. ఈ వారం సినిమాలకు బాగా తకలిసొచ్చే అంశమే. రిజల్ట్‌తో సంబంధం లేకుండా వసూళ్ల లెక్క ఏ సినిమాలకు పక్కాగా వుంటుందో చూడాలి మరి.