మస్కట్: డిజిటల్ ప్రపంచంలో భవిష్యత్తులో సుల్తానేట్ ముందంజలో ఉంటుందని  కనెక్టివిటీని మెరుగుపరచడం, నియంత్రించడంపై వర్క్‌షాప్ లో పాల్గొన్న వక్తలు ఆశాభావం వ్యక్తం చేశారు.  కనెక్టివిటీని మెరుగుపరచడం, నియంత్రించడంపై ప్రముఖ ఆడిటింగ్  కన్సల్టింగ్ సంస్థ క్రోవ్ నిర్వహించిన రెండు రోజుల వర్క్‌షాప్  హార్ముజ్ గ్రాండ్ హోటల్‌లో ముగిసింది.  టెలికాం రెగ్యులేటరీ అథారిటీ (TRA), రవాణా మంత్రిత్వ శాఖ, కమ్యూనికేషన్స్ మరియు ఇన్ఫర్మేషన్ టెక్నాలజీ (MTCIT), ఒమన్ బ్రాడ్‌బ్యాండ్, ఒమాంటెల్, ఊరెడూ మరియు వోడాఫోన్ నుండి ప్రతినిధులు హాజరయ్యారు. టిఆర్ఎ వైస్‌ ప్రెసిడెంట్‌ ఒమర్‌ అల్‌ ఖతాబి గౌరవ అతిథిగా హాజరయ్యారు. క్రోవ్ ఒమన్ మేనేజింగ్ పార్టనర్ డేవిస్ కల్లుకరన్ మాట్లాడుతూ.. “మేము ఇప్పుడు డిజిటల్ టెక్నాలజీ ప్రపంచంలో ఉన్నాము. ఇది మన జీవితాలను మారుస్తుంది. మరింత అధునాతన సేవలను ఎనేబుల్ చేస్తోంది. గొప్ప అవకాశాలను సృష్టిస్తోంది. దీనికి ఆర్థిక వనరులు, ప్రపంచ స్థాయి పర్యవేక్షణ, డిజిటల్ ప్రపంచంలో భవిష్యత్‌లో ఒమన్ సాధ్యమైనంత బలమైన స్థితిలో ఉండేలా మా సమిష్టి సంకల్పం అవసరం.” అని పేర్కొన్నారు. 5G, క్లౌడ్ సిస్టమ్స్ మరియు డేటా అనలిటిక్స్ వంటి భారీ మొబైల్ టెలికమ్యూనికేషన్స్ ఇన్‌ఫ్రాస్ట్రక్చర్, అన్నీ పెద్ద డేటా మరియు భారీ లావాదేవీల వాల్యూమ్‌లు కొత్త ప్రపంచాన్ని సూచిస్తాయని తెలిపారు. జాతీయ మరియు అంతర్జాతీయ స్థాయిలలో రెగ్యులేటర్‌ల అభివృద్ధి చెందుతున్న క్రమాన్ని  కాంపిటీటివ్ చట్ట నిపుణుడు మైఖేల్ బైర్న్ వివరించారు.