కిరణ్ అబ్బవరం - రహస్య గోరఖ్.. ‘రాజావారు రాణివారు’ సినిమాతో మొట్ట మొదటగా స్క్రీన్ షేర్ చేసుకున్నారు. అప్పటి నుంచే లవ్‌లోనూ పడిపోయారు. అలా పెరిగి, పెద్దదైన వారి ప్రేమ పెళ్లి పీటల వరకూ చేరింది.

మార్చిలో ఎంగేజ్‌మెంట్ చేసుకున్న ఈ జంట ఇప్పుడు పెళ్లి ముడితో ఒక్కటి కానున్నారు. గురువారం అనగా ఆగస్టు 22న ఈ జంట వివాహం చేసుకోబోతున్నారు.

కూర్గ్‌లో ఈ వివాహ వేడుకకు రంగం సిద్ధమైంది. ఆల్రెడీ పెళ్లి పనుల్లో బిజీగా వున్న ఈ జంట సెలబ్రేషన్స్‌ని సోషల్ మీడియాలో అభిమానుల కోసం షేర్ చేసుకుంటోంది. దానికి సంబంధించిన ఫోటోలు నెట్టింట వైరల్ అవుతున్నాయ్.

ఇక, కిరణ్ అబ్బవరం సినిమాల విషయానికి వస్తే,  ప్రస్తుతం ‘క’ సినిమాలో నటిస్తున్నారు. పీరియాడిక్ థ్రిల్లర్ నేపథ్యంలో తెరకెక్కుతోన్న ఈ సినిమా షూటింగ్ దాదాపు పూర్తయ్యింది. పెళ్లి నిమిత్తం కొన్ని రోజులు బ్రేక్ తీసుకున్న కిరణ్ అబ్బవరం ఆ తర్వాత మళ్లీ షురూ చేయనున్నాడు. ఈ సినిమాకి సంబంధించిన ప్రచార చిత్రాలకి మంచి రెస్పాన్స్ వస్తోంది. వెరీ లేటెస్ట్‌గా రిలీజ్ చేసిన ఆడియో సింగిల్‌కీ పాజిటివ్ రెస్పాన్స్ వచ్చింది.