అవునండీ నిజమే.. సూపర్ స్టార్ మహేష్ బాబు డబ్బింగ్ ఆర్టిస్టుగా మారబోతున్నారు. ఓ హాలీవుడ్ యానిమేషన్ మూవీలో ఆయన గొంతు వినపడనుంది. అది మరేదో కాదు. పిచ్చ క్రేజ్ వున్న ’ది లయన్ కింగ్‘.

హాలీవుడ్ యానిమేషన్ మూవీ ’ది లయన్ కింగ్‘కి పరిచయం అక్కర్లేదు. ఎంతో పాపులర్ ఈ సినిమా. పిల్లలకే కాదు, పెద్దలూ ఈ సినిమాకి మంచి ఆదరణ చూపించారు.

అంతలా ఈ సినిమాలోని ఎమోషన్స్ కట్టి పడేశాయ్ మరి. ఇప్పుడీ సినిమాకి సీక్వెల్ రాబోతోంది. ’ ది లయన్ కింగ్ 2‘ పేరుతో వస్తోన్న ఈ సినిమాకి తెలుగు వెర్షన్ డబ్బింగ్ సూపర్ స్టార్ మహేష్ బాబు చెప్పడం ఇప్పుడు హాట్ టాపిక్ అయ్యింది.

తొలి పార్టులో బేబీ లయన్ ముఫాషాని రాజుగా ప్రకటించడంతో సినిమాకి ఎండ్ కార్డ్ పడుతుంది. రెండో పార్ట్ అక్కడి నుంచే మొదలు కానుంది. అలా మెయిన్ లీడ్ పాత్ర అయిన ముఫాసా పాత్రకి సూపర్ స్టార్ మహేష్ తన గొంతును అరువివ్వబోతున్నారు.

మహేష్ బాబు డైలాగులతో తెలుగు వెర్షన్ ముఫాసా పాత్ర తెలుగు ప్రేక్షకులకు మరింత దగ్గర కానుంది. అలాగే బాలీవుడ్లో ఇదే పాత్రకి బాద్ షా షారూఖ్ ఖాన్ డబ్బింగ్ చెప్పబో్తున్నారు.

చూడాలి మరి, అసలే బోలెడంత ట్రెండింగ్ మూవీ. అటు పై స్టార్ హీరోల వాయిస్.. ఈ సారి రాబోయే ’ది లయన్ కింగ్ 2‘ ఏ రేంజ్ క్రేజ్ దక్కించుకోనుందో చూడాలి మరి.