పెద్ద స్టార్ తో సినిమా అంటే... ఫ్యాన్స్ కు ప్రతి క్షణం క్రేజీగానే ఉంటుంది. పిక్చర్ అనౌన్స్ చేసిన దగ్గర్నుంచి...ఎప్పుడెప్పుడు ఏం జరుగుతుందా అని ఎదురు చూస్తుంటారు. స్టోరీ ఏమిటి, హీరోయిన్ ఎవరు? మూవీ టైటిల్ ఏమిటి? ...ఇలా టోటల్ గా ఓ క్రేజీ ఎపిసోడ్ నడుస్తుంది. ఇప్పుడు పవన్ కళ్యాణ్ మూవీపై కూడా అలాంటి క్రేజ్ ఏర్పడింది. పవన్, ఎస్ జె సూర్య సినిమా త్వరలో పట్టాలెక్కనుండగా, ఈ చిత్రానికి హుషారు అనే టైటిల్ పెడతారని ఆమధ్య కొంత ప్రచారం జరిగింది. అయితే...స్టోరీ ప్రకారం చూస్తే ఆ పేరు కుదరదన్న టాక్ కూడా వచ్చింది. ఆ తర్వాత సేనాపతి అనే పేరుతో కొంత ప్రచారం జరిగింది. ఆ పేరు కూడా వెనక్కు పోయింది. ఇప్పుడు మరో టైటిల్ తెరమీదకి వచ్చింది.పవన్ చేసేది ఫ్యాక్షన్ ప్రేమ కథా చిత్రం కనుక 'కడప కింగ్' అనే టైటిల్ అయితే సరిపోతుందని భావిస్తున్నట్టు టాక్. కడప కింగ్ అనే టైటిల్ కు కొంత బ్యాక్ గ్రౌండ్ ఉంది. ఈ సినిమా నిర్మాత శరత్ మరార్ స్వయంగా ఫిల్మ్ ఛాంబర్ కి వెళ్లి కడప కింగ్ పేరును రిజిస్టర్ చేయించారట. దాంతో పవన్ కల్యాణ్ న్యూ మూవీ పేరు కడప కింగ్ అని ప్రచారం జరుగుతోంది. ఫ్యాక్షనిజంతో ముడిపడి వున్న కథ కాబట్టి ఆ టైటిల్ నే ఫిక్స్ చేయవచ్చని కూడా తెలుస్తోంది. ఇక ఈ మూవీ హీరోయిన్ ఎవరా అన్నది కూడా ఇంతవరకు సస్పెన్స్ లోనే ఉంది. రకుల్ ప్రీత్ సింగ్ నే తీసుకోవచ్చని చెబుతున్నారు.