మనామా: బహ్రెయిన్ జలాల్లో అక్రమంగా చేపల వేటకు పాల్పడుతున్న నలుగురు భారతీయులను అరెస్టు చేసినట్లు పబ్లిక్ ప్రాసిక్యూషన్ కార్యాలయం తెలిపింది. వారు నిషేధిత బాటమ్ ట్రాలింగ్ నెట్‌లను ఉపయోగిస్తున్నట్లు గుర్తించిన తర్వాత కోస్ట్ గార్డ్ వారిని అదుపులోకి తీసుకుందని తెలిపారు.   వారి వద్ద నుండి దాదాపు 40 కిలోగ్రాముల తాజా రొయ్యలను స్వాధీనం చేసుకున్నట్టు వెల్లడించారు.  లైసెన్స్ లేకుండా ప్రయాణించడం, భద్రతా సిబ్బందిని తనిఖీ చేయకుండా అడ్డుకోవడం, భద్రతా సామగ్రి లేకపోవడం వంటి కారణాలను పబ్లిక్ ప్రాసిక్యూషన్ కార్యాలయం పేర్కొంది.