కువైట్: కువైట్ హార్ట్ అసోసియేషన్ నిర్వహించిన "కువైట్‌లో గుండె జబ్బులు" అనే ముఖ్యమైన అధ్యయనంలో కీలక విషయాలు వెల్లడయ్యాయి. మే 15, 2023 నుండి ఆగస్టు 2024 వరకు 15 నెలల కాలంలో కువైట్‌లోని హార్ట్ అసోసియేషన్ సర్వే నిర్వహించింది. ఇందులో మొత్తం 7600 గుండెపోటు కేసులు నమోదయ్యాయి. 5,396 నాన్-కువైటీలు(71%), మిగిలిన 2,206 మంది కువైట్ జాతీయులు(29%) ఉన్నారు.  ఈ కేసులలో మరణాల రేటు 1.9%.. ప్రపంచ సగటుతో సమానంగా ఉంది. బాధితుల్లో 82% కేసులు పురుషులు (6,239), స్త్రీలు 18% (1,363) ఉన్నారు. 43% మంది రోగులు ధూమపానం చేసేవారని,13% మంది ధూమపానాన్ని వదిలిన వారున్నారని అధ్యయనం తెలిపింది.  గుండెపోటుకు గురయిన వారిలో సగానికి పైగా మధుమేహంతో బాధపడుతుండగా.. బాధితుల సగటు వయస్సు 56 సంవత్సరాలుగా ఉందని నివేదికలో పేర్కొన్నారు.