దోహా: విజిట్ ఖతార్ తన తాజా గ్లోబల్ క్యాంపెయిన్ ‘సర్ప్రైజ్ యువర్ సెల్ఫ్’ను ఆవిష్కరించింది. ఏటా ఆరు మిలియన్ల మంది సందర్శకులను ఆకర్షించి, 2030 నాటికి ఖతార్‌ను తప్పనిసరిగా సందర్శించాల్సిన పర్యాటక కేంద్రంగా తీర్చిదిద్దే లక్ష్యంలో ఇది ఒక ముఖ్యమైన అడుగుగా భావిస్తున్నారు.  ఈ ప్రచారం దేశం యొక్క ప్రత్యేక ఆకర్షణలు, పర్యాటక సమర్పణలను హైలైట్ చేస్తుంది. బనానా ద్వీపం పచ్చటి ఆకర్షణ నుండి సౌక్ వాకిఫ్, డూన్ బాషింగ్ థ్రిల్ వరకు, ఖతార్ విస్తృత శ్రేణి ఆకర్షణలు ప్రదర్శించనున్నట్టు విజిట్ ఖతార్ CEO ఎంగ్ అబ్దుల్ అజీజ్ అలీ అల్ మావ్లావి తెలిపారు. అమెరికా, యూరప్, ఆఫ్రికా, మధ్యప్రాచ్యంతో సహా 177 కంటే ఎక్కువ గమ్యస్థానాలలో ప్రచారం కొనసాగుతుందన్నారు. ఖతార్ 2025కి వెబ్ సమ్మిట్, అరబ్ కప్ వంటి ఈవెంట్‌లతో సిద్ధమవుతున్నందున, ప్రపంచంలోని అత్యంత ఉత్తేజకరమైన ప్రయాణ గమ్యస్థానాలలో ఖతార్ ఒకటిగా మారుతోందని తెలిపారు.