కువైట్: ప్రయాణికుల భద్రతను కాపాడే చర్యలకు అనుగుణంగా.. ప్రాంతీయంగా నెలకొన్న ఉద్రిక్తల నేపథ్యంలో అన్ని కువైట్ విమానాల మార్గాల్లో మార్పులు చేసినట్టు డైరెక్టరేట్ జనరల్ ఆఫ్ సివిల్ ఏవియేషన్ (DGCA) తెలిపింది. కొన్ని విమానాలు తమ మార్గాల్లో మార్పుల కారణంగా కువైట్‌కు ఆలస్యంగా చేరుకుంటాయని విమానయాన భద్రత, వాయు రవాణా వ్యవహారాల తాత్కాలిక డిప్యూటీ డైరెక్టర్ జనరల్ అబ్దుల్లా అల్-రాజి పేర్కొన్నారు.  కువైట్ లేదా ఇతర విమానాశ్రయాలకు సురక్షితంగా, భద్రతా పద్ధతిలో విమానాల రాకపోకలను నిర్ధారించే చర్యలకు అనుగుణంగా కువైట్ అన్ని విమాన సర్వీసులు సురక్షితంగా ఉండేలా చర్యలు చేపట్టినట్టు తెలిపారు.