దుబాయ్: మెట్రో, ట్రామ్‌లో ప్రయాణికులు ఇప్పుడు ఇ-స్కూటర్‌లను తీసుకెళ్లవచ్చని దుబాయ్‌లోని రోడ్స్ అండ్ ట్రాన్స్‌పోర్ట్ అథారిటీ ప్రకటించింది. ఇకపై సీటు లేకుండా ఫోల్డబుల్ ఇ-స్కూటర్‌లను మెట్రో, ట్రామ్‌లోని అన్ని కార్యాచరణ సమయాల్లో తీసుకెళ్లవచ్చు. ప్రయాణీకుల భద్రత కోసం మార్చి 1 నుండి మెట్రో, ట్రామ్ లోపల ఇ-స్కూటర్లపై ఫిబ్రవరి 29న ఆర్టీఏ నిషేధం విధించింది.   అయితే, అవి తప్పనిసరిగా 120cm x 70cm x 40cm పరిమాణం స్పెసిఫికేషన్‌కు సరిపోవాలి. 20kg కంటే ఎక్కువ బరువు ఉండకూడదన్న షరతులు విధించింది.  మరికొన్ని నిబంధనలు ఇలా ఉన్నాయి.  

-దుబాయ్ మెట్రో లేదా ట్రామ్ ప్రాంగణంలో ఇ-స్కూటర్ ఛార్జింగ్ పెట్టవద్దు.

-తలుపులు, సీట్ల వద్ద అడ్డంగా పెట్టవద్దు.

-దుబాయ్ మెట్రో లేదా ట్రామ్ ప్రాంగణంలోకి తడి లేదా మురికి ఇ-స్కూటర్‌లు అనుమతించబడవు.

-స్టేషన్‌లు లేదా ఫుట్‌బ్రిడ్జ్‌లలో ఇ-స్కూటర్‌ను నడపడం నిషేధం.

-స్టేషన్‌లు, ప్లాట్‌ఫారమ్‌లు లేదా రైళ్లు/ట్రామ్‌లలోకి ప్రవేశించేటప్పుడు ఇ-స్కూటర్‌లను తప్పనిసరిగా మడతపెట్టాలి.

-మెట్రో లేదా ట్రామ్ ప్రాంగణంలో అన్ని సమయాల్లో ఇ-స్కూటర్ పవర్‌ను ఆఫ్ చేయాలి.