అబుదాబీ పోలీసులు 110 కిలోల హాషిస్‌ని స్వాధీనం చేసుకున్నారు. అల్‌ అయిన్‌లో ఈ హాషిన్‌ పోలీసులకు చిక్కింది. పక్కా సమాచారంతో అబుదాబీ పోలీసులు ఈ రాకెట్‌ని భగ్నం చేయగలిగారు. అత్యంత సీక్రెట్‌గా ఈ ఆపరేషన్‌ జరిగింది. ఇద్దరు అనుమానితుల్ని రహస్యంగా ఫాలో అయిన పోలీస్‌ అధికారులు, రెడ్‌ హ్యాండెడ్‌గా పెద్ద మొత్తంలో హాషిస్‌ని, రాకెట్‌ నిర్వాహకుల్ని అరెస్ట్‌ చేశారు. కారు ఫ్యూయల్‌ ట్యాంక్‌లో నింపిన హాషిస్‌ డ్రగ్స్‌ని ఇసుకలో పాతి పెడుతుండగా పోలీసులు దాన్ని స్వాధీనం చేసుకున్నారు. యువతకు డ్రగ్స్‌ సరఫరా చేయడం ద్వారా సమాజంలో అల్లకల్లోలం సృష్టించేందుకు కొందరు ప్రయతినస్తున్నారనీ, ఇలాంటి చర్యల్ని సహించబోమని అబుదాబీ పోలీస్‌ యాక్టింగ్‌ డైరెక్టర్‌ జనరల్‌ మేజర్‌ జనరల్‌ మక్తౌమ్‌ అల్‌ షరిఫి చెప్పారు. డ్రగ్స్‌తో జీవితాలు నాశనమైపోతాయనీ, ఈ విషయమై అవగాహనా కార్యక్రమాలు నిర్వహిస్తున్నామనీ ఎవరికైనా డ్రగ్స్‌కి సంబంధించి చిన్న సమాచారం అందినా, పోలీసులకు తెలియజేయాలని ఆయన విజ్ఞప్తి చేశారు.