టెహ్రాన్:  ఇరాన్‌లోని సైనిక లక్ష్యాలపై తమ సైన్యం "ఖచ్చితమైన దాడులను" అమలు చేసిందని ఇజ్రాయెల్ శనివారం తెల్లవారుజామున ప్రకటించింది. టెహ్రాన్‌లో పేలుళ్లు వినిపించాయని స్థానికులు కూడా సోషల్ మీడియా అకౌంట్లలో వెల్లడించారు. "ప్రస్తుతం, ఇజ్రాయెల్ డిఫెన్స్ ఫోర్సెస్ ఇరాన్‌లోని సైనిక లక్ష్యాలపై ఖచ్చితమైన దాడులు నిర్వహిస్తోంది" అని ఇజ్రాయెల్ ఆర్మీ ప్రతినిధి రియర్ అడ్మ్ డానియల్ హగారి తెలిపారు.

ఇజ్రాయెల్ ఆర్మీ రేడియో ప్రకారం.. అనేక ఇజ్రాయెల్ విమానాలు టెహ్రాన్, మషాద్, కరాజ్‌లోని పవర్ స్టేషన్‌తో సహా వివిధ ప్రదేశాలపై దాడులకు పాల్పడ్డాయి.  ఇరాన్ రాజధానిలో పేలుళ్లు విన్నట్లు ఇరాన్ సెమీ-అధికారిక ఫార్స్ న్యూస్ ఏజెన్సీ నివేదించగా, సిరియన్ వార్తా సంస్థ సనా డమాస్కస్‌లో పేలుళ్లకు సంబంధించిన ఇలాంటి నివేదికలను ధృవీకరించింది.