చైనాలో కరోనా మహమ్మారి కారణంగా తగ్గిపోయిన పర్యాటక రంగాన్ని తిరిగి ప్రోత్సహించడం కోసం దక్షిణ కొరియాతో పాటు మరో ఎనిమిది యూరోపియన్ దేశాలకు వీసా-ఫ్రీ ఎంట్రీ ప్రకటించింది. కోవిడ్ కారణంగా గత మూడు సంవత్సరాలుగా చైనా పర్యాటక రంగం తీవ్రంగా ప్రభావితమైంది. ఈ వీసా-ఫ్రీ ఎంట్రీ ద్వారా, చైనా తన అభివృద్ధిని ప్రపంచానికి తెలియజేయడం మరియు పర్యాటకులను ఆకర్షించడం లక్ష్యంగా పెట్టుకుంది. ఈ నిర్ణయం చైనా పర్యాటక రంగాన్ని ప్రోత్సహించడానికి తీసుకున్న ఒక కీలక చర్య అని చెప్పవచ్చు. 

చైనా విదేశాంగ మంత్రిత్వ శాఖ ప్రతినిధి లిన్ జియాన్ మాట్లాడుతూ, "చైనీస్ మరియు విదేశీయుల ప్రయాణాన్ని సులభతరం చేయడానికి, చైనా తన వీసా-ఫ్రీ పాలసీనీ ప్రకటించింది." ఈ నిర్ణయం 2025లో అధ్యక్షుడు జి జిన్‌పింగ్ దక్షిణ కొరియాలో పర్యటనకు ముందు, ప్రపంచ వాణిజ్య మార్పిడిని ప్రోత్సహించే ఉద్దేశ్యంతో ఈ పాలసీని ప్రకటించారు.

ఈ వీసా-ఫ్రీ ఎంట్రీ స్లోవేకియా, నార్వే, ఫిన్‌లాండ్, డెన్మార్క్, ఐస్‌లాండ్, అండోరా, మొనాకో, లీచ్‌టెన్‌స్టెయిన్ మరియు దక్షిణ కొరియా నుండి సాధారణ పాస్‌పోర్ట్ హోల్డర్ల కోసం చైనా కొత్త వీసా-ఫ్రీ ఎంట్రీ విధానాన్ని ప్రకటించింది. ఈ దేశాల పౌరులు చైనాలో 15 రోజుల పాటు వీసా లేకుండా పర్యటించవచ్చు. ఈ నిర్ణయం నవంబర్ 8, 2024 నుండి డిసెంబర్ 31, 2025 వరకు అమలులో ఉంటుంది. ఇది ఒక ఏడాది పాటు ట్రయల్ ప్రోగ్రామ్‌గా అమలు చేయబడుతుంది.

ఈ విధానంలో మొదటిసారిగా చైనా వీసా రహిత ప్రోగ్రామ్‌లో దక్షిణ కొరియాను చేర్చారు. ఇది ఇరు దేశాల మధ్య ద్వైపాక్షిక సంబంధాలు మెరుగుపడే అవకాశం ఉంటుంది. ఇందుకు ప్రతిస్పందనగా దక్షిణ కొరియా ఎంటర్‌టైన్‌మెంట్ స్టాక్‌లు ఆశ్చర్యకరంగా పెరిగాయి, ఏడు రోజుల క్షీణత తర్వాత JYP ఎంటర్‌టైన్‌మెంట్ షేర్లు 10% పైగా పెరిగాయి. ఇంకా సాంస్కృతిక మరియు టూరిజం ఎక్స్ఛేంజీల కోసం మార్కెట్ అంచనాలు పెరగడంతో SM ఎంటర్‌టైన్‌మెంట్, HYBE మరియు YG ఎంటర్‌టైన్‌మెంట్ కూడా గణనీయమైన లాభాలను పొందాయి. 2016 నుండి చైనాలో 'హల్లు నిషేధం' ఉన్నందున ఇది చాలా ఆశాజనకంగా ఉంది.

వీసా-ఫ్రీ ఎంట్రీ అంటే, ఈ దేశాల పౌరులు చైనాలోకి ప్రవేశించడానికి వీసా అవసరం లేకుండా, నిర్దిష్ట కాలం పాటు చైనాలో పర్యటించవచ్చు. చైనా ఈ నిర్ణయాన్ని తీసుకోవడం వెనుక ప్రధాన కారణం, మహమ్మారి కారణంగా తగ్గిపోయిన పర్యాటక రంగాన్ని తిరిగి ప్రోత్సహించడం. గత మూడు సంవత్సరాలుగా చైనా పర్యాటక రంగం తీవ్రంగా ప్రభావితమైంది.

ఈ వీసా-ఫ్రీ ఎంట్రీ ద్వారా, చైనా తన అభివృద్ధిని ప్రపంచానికి తెలియజేయడం మరియు పర్యాటకులను ఆకర్షించడం లక్ష్యంగా పెట్టుకుంది. ఈ విధంగా, వీసా-ఫ్రీ ఎంట్రీ అనేది చైనా పర్యాటక రంగానికి ఒక పెద్ద ఊతం ఇవ్వగలదని భావిస్తున్నారు. ఈ నిర్ణయం ద్వారా చైనా పర్యాటక రంగం తిరిగి పూర్వ వైభవాన్ని పొందగలదని ఆశిస్తున్నారు.

--వేణు పెరుమాళ్ల(మాగల్ఫ్ ప్రతినిధి)