మనామా: తృణధాన్యాల పెట్టెల్లో డ్రగ్స్‌ను అక్రమంగా రవాణా చేసేందుకు ప్రయత్నించిన వ్యక్తికి మొదటి హై క్రిమినల్ కోర్టు 15 సంవత్సరాల జైలు శిక్ష, BD 5,000 జరిమానా విధించింది. అరబ్ దేశం నుంచి వచ్చిన వ్యక్తి అనుమానాస్పద ప్రవర్తనపై విమానాశ్రయ కస్టమ్స్ అధికారులు అనుమానం రావడంతో తనిఖీలు చేశారు. ఆ వ్యక్తి సామానులో 101 గ్రాముల గంజాయి, తృణధాన్యాల పెట్టెల్లో దాచిన 1,975 క్యాప్‌గాన్ మాత్రలు, 1,000కి పైగా సైకోట్రోపిక్ మాత్రలను గుర్తించినట్టు యాంటీ నార్కోటిక్స్ డైరెక్టరేట్‌ కోర్టుకు తెలిపింది.   అలాగే అతడు ఇచ్చిన సమాచారంతో అతని ఇంటిపై రైడ్ చేసి 34.47 గ్రాముల గంజాయిని సీజ్ చేసినట్టు పేర్కొన్నారు.