రియాద్: ప్రీమియం ప్రయాణానికి రియాద్ మెట్రో ఫస్ట్ క్లాస్ ఆప్షన్‌లను ప్రకటించింది. టిక్కెట్ ధరలు SR4తో ప్రారంభమవుతుండగా, డర్బ్( Darb ) యాప్ ద్వారా టిక్కెట్‌లు అందుబాటులో ఉంటాయి. ధరలను రెండు క్లాసులుగా విభజించారు. అవి:

స్టాండర్డ్ క్లాస్:

- రెండు గంటల పాస్: SR4

- మూడు రోజుల పాస్: SR20

- ఏడు రోజుల పాస్: SR40

- ముప్పై-రోజుల పాస్: SR140

ఫస్ట్ క్లాస్:

- రెండు గంటల పాస్: SR10

- మూడు రోజుల పాస్: SR50

- ఏడు రోజుల పాస్: SR100

- ముప్పై-రోజుల పాస్: SR350

నవంబర్ 27న రెండు పవిత్ర మసీదుల సంరక్షకుడు కింగ్ సల్మాన్ రియాద్ మెట్రోను ప్రారంభించారు. అయితే, అధికారికంగా డిసెంబర్ 1 నుండి ప్రజలకు అందుబాటులోకి రానుంది.  కింగ్ అబ్దుల్లా ఫైనాన్షియల్ డిస్ట్రిక్ట్, వెస్ట్రన్ స్టేషన్‌తో సహా నాలుగు ఐకానిక్ హబ్‌లతో సహా 85 స్టేషన్‌లను కలిగి ఉన్న ఈ నెట్‌వర్క్ ఆరు లైన్లలో 176 కిలోమీటర్లు విస్తరించి ఉంది.  

మెట్రో లైన్లు డిసెంబర్ 1న బ్లూ లైన్ (1), ఎల్లో లైన్ (4), పర్పుల్ లైన్ (6)తో మొదలై దశలవారీగా సేవలను విస్తరిస్తారు. ఆ తర్వాత రెడ్ లైన్ (2), గ్రీన్ లైన్ (5) డిసెంబర్‌లో ప్రారంభం అవుతాయి. జనవరి 5నుండి ఆరెంజ్ లైన్ (3) కార్యకలాపాలు అందుబాటులోకి వస్తాయని ప్రకటించారు.