మస్కట్: ఐక్యరాజ్యసమితి పారిశ్రామిక అభివృద్ధి సంస్థ (UNIDO) విడుదల చేసిన గ్లోబల్ క్వాలిటీ ఇండెక్స్‌లో ఒమన్ సుల్తానేట్ 57 స్థానాలు ఎగబాకింది. ప్రస్తుతం, ఇది 155 దేశాలలో అంతర్జాతీయ స్థాయిలో 60వ స్థానంలో.. మిడిల్ ఈస్ట్ స్థాయిలో ఆరవ స్థానంలో ఉంది. ఇండెక్స్ మునుపటి ఎడిషన్‌లో 117వ స్థానంలో ఉంది.  వాణిజ్యం, పరిశ్రమలు, పెట్టుబడి ప్రమోషన్ మంత్రిత్వ శాఖ అండర్ సెక్రటరీ సలేహ్ సెడ్ మసాన్ హర్షం వ్యక్తం చేశారు.  ఒమన్ సుల్తానేట్ సాధించిన ఈ విజయం 2022లో ప్రారంభమైన జాతీయ స్పెసిఫికేషన్లు, ప్రమాణాల అభివృద్ధిని ప్రతిబింబిస్తుందని పేర్కొన్నారు.