రియాద్: ప్రస్తుత చలికాలంలో ఉష్ణోగ్రతలు వేగంగా పడిపోతున్నాయి. ఈ సమయంలో హీటింగ్ పరికరాలను ఉపయోగించే వారి సంఖ్య క్రమంగా పెరుగుతోంది. అయితే, వాటిని ఉపయోగించే సమయంలో తగిన జాగ్రత్తలు తీసుకోవాలని జనరల్ డైరెక్టరేట్ ఆఫ్ సివిల్ డిఫెన్స్ ప్రజలను హెచ్చరించింది. హీటింగ్ పరికరాలను ఉపయోగిస్తున్నప్పుడు భద్రతా విధానాలను అనుసరించడం చాలా ముఖ్యమని తెలిపింది. పిల్లలు వాటి వద్దకు రాకుండా జాగ్రత్తులు తీసుకోవాలని గుర్తుచేసింది. హీటింగ్ పరికరాలను రూములలో వినియోగించే సమయంలో సరైన వెంటిలేషన్ ఉండేలా చూసుకోవాలని,  అలాగే బయటకు వెళ్లేటప్పుడు లేదా నిద్రిస్తున్నప్పుడు హీటర్‌ను ఆఫ్ చేయాలని, ఆహారం మరియు పానీయాలను వేడి చేయడానికి ముందు కర్టెన్‌లు, ఫర్నిచర్, వంటి వాటికి దూరంగా పెట్టాలని డైరెక్టరేట్ తెలిపింది. ఏదైనా అత్యవసర సందర్భంలో రియాద్, మక్కా, తూర్పు ప్రావిన్స్‌లోని ప్రాంతాలలో 911 ఫోన్ నంబర్‌లో.. మిగిలిన ప్రాంతాలలో 998 నంబర్‌లో సివిల్ డిఫెన్స్‌ను సంప్రదించాలని కోరింది.