ప్రముఖ నటుడు విక్రమ్‌ ఇంట్లో త్వరలో పెళ్లి బాజాలు మోగనున్నాయట. విక్రమ్‌ కుమార్తె అక్షిత నిశ్చితార్థ వేడుక త్వరలో జరగనున్నట్లు తమిళ సినీ వర్గాలు చెబుతున్నాయి. కేవిన్‌ కేర్‌ గ్రూప్‌ యజమాని సీకే రంగనాథన్‌ కుమారుడు మను రంజిత్‌తో అక్షిత వివాహం జరగనున్నట్లు సమాచారం. రంజిత్‌ డీఎంకే అధినేత ఎం. కరుణానిధికి మునిమనవడు అవుతాడు. కరుణానిధి పెద్ద కుమారుడు ముత్తు కూతురి కొడుకు రంజిత్‌. ఈ నిశ్చితార్థ కార్యక్రమాన్ని జులై 10న చెన్నైలోని ఓ స్టార్‌ హోటల్‌లో నిర్వహిస్తున్నట్లు సమాచారం. కేవలం సన్నిహితులు, బంధువులు ఈ వేడుకకు హాజరౌతున్నట్లు తెలుస్తోంది. 2017లో జరిగే ఈ వివాహానికి చిత్ర పరిశ్రమకు సంబంధించిన తన స్నేహితులందరినీ ఆహ్వానించడానికి విక్రమ్‌ ప్రయత్నిస్తున్నారట.