మనామా: అర్బన్ ప్లానింగ్ అండ్ డెవలప్‌మెంట్ అథారిటీ (UPDA) నవంబర్ 2024లో రెసిడెన్షియల్ ల్యాండ్ విస్తీర్ణంలో గణనీయమైన పెరుగుదలను నివేదించింది. డేటా ప్రకారం.. రెసిడెన్షియల్ ల్యాండ్ 208,000 చదరపు మీటర్ల విస్తరించింది. దాంతో మొత్తం రెసిడెన్షియల్ ల్యాండ్ 79 మిలియన్ చదరపు మీటర్లకు చేరింది. అక్టోబర్‌లో ఇది 78.8 మిలియన్ చదరపు మీటర్లుగా ఉంది. బహ్రెయిన్ మొత్తం భూభాగంలో ఇది 11.86%నికి సమానం. 

నవంబర్‌లో నార్తర్న్ గవర్నరేట్ రెసిడెన్షియల్ ల్యాండ్ లో అత్యధిక వాటాను కలిగి ఉంది. మొత్తం 24.8 మిలియన్ చదరపు మీటర్లు (36%) కలిగి ఉంది. సదరన్ గవర్నరేట్ 22.3 మిలియన్ చదరపు మీటర్లతో, క్యాపిటల్ గవర్నరేట్ 20.4 మిలియన్ చదరపు మీటర్లతో తర్వాతి స్థానాల్లో ఉన్నాయి. ముహరక్ గవర్నరేట్ 11.3 మిలియన్ చదరపు మీటర్ల రెసిడెన్షియల్ ల్యాండ్ ని కలిగి ఉంది. మినిస్ట్రీ ఆఫ్ హౌసింగ్ ప్రాజెక్ట్‌ల కోసం కేటాయించిన భూమి 20.4 మిలియన్ చదరపు మీటర్ల వద్ద స్థిరంగా ఉంది.