బహ్రెయిన్ లో చిన్నారులను, మానసిక వికలాంగులు లేదా ఎదుగుదల లోపించినవారిని ప్రమాదాలు లేదా వేధింపుల నుండి సంరక్షించడానికై 1976 సంవత్సరం నాటి శిక్షాస్మృతిలోని ఆర్టికల్ 320ని సవరిస్తూ, హిజ్ మాజెస్టీ కింగ్ హమాద్, నిన్న ఆదేశాలు జారీ చేశారు. దీనిప్రకారం, 7 సం. లేదా అంతకన్నా తక్కువ వయస్సు గల పిల్లలను లేదా శారీరిక, మానసిక కారణాల వల్ల తమను తాము కాపాడుకోలేని స్థితిలో ఉన్నవారిని ప్రమాదానికి గురిచేసిన వారిని లేదా ఈ చర్యలకు ప్రోత్సహించిన వారిని 3 నెలల జైలుశిక్ష లేదా 100 బహ్రైనీ దీనారాల జరిమానా లేదా రెండూ విధించవచ్చు. నిర్జన ప్రదేశాలలో ఈవిధంగా ప్రవర్తించి చట్టాన్ని అతిక్రమించిన వారిని కనీసం 1 సం. జైలుశిక్ష విధించబడుతుంది.

--యం.వాసుదేవ రావు(మాగల్ఫ్ ప్రతినిధి,బహ్రెయిన్)