రియాద్: సౌదీ అరేబియాలో మొత్తం కూరగాయల సరఫరాలో స్థానిక కూరగాయల ఉత్పత్తి 80.6 శాతానికి చేరుకుంది. ఈ మేరకు జనరల్ అథారిటీ ఫర్ స్టాటిస్టిక్స్ (GASTAT) జారీ చేసిన వ్యవసాయం, మత్స్య ఖాతాల ప్రచురణ 2023 వెల్లడించింది. స్థానిక ఉత్పత్తులలో మొత్తం పండ్ల సరఫరాలో 63.7 శాతానికి చేరుకోగా, తృణధాన్యాల సరఫరాలో 14.8 శాతం స్థానికంగా కవర్ అవుతుందని వెల్లడించింది. 

2023లో రాజ్యంలో స్థానిక పంట ఉత్పత్తి మొత్తం విలువ SR38.332 బిలియన్లకు చేరుకుందని నివేదిక తెలిపింది. చేపల మొత్తం సరఫరా 377,000 టన్నులు కాగా, స్థానిక ఉత్పత్తి 56.9 శాతంగా ఉంది. చేపల దిగుమతులు 43.1 శాతంగా ఉన్నాయి. చేపల ఉత్పత్తి మొత్తం విలువ SR5.189 బిలియన్లకు చేరుకుంది. ఇక మొత్తం సరఫరాలో స్థానిక పశువుల ఉత్పత్తి 67.4 శాతానికి, ఒంటె ఉత్పత్తి 76 శాతంగా ఉంది. స్థానిక గొర్రెలు, మేకల ఉత్పత్తి సగటు విలువ హెడ్ కు SR1,250 వద్ద ఉందని అగ్రికల్చర్ అండ్ ఫిషరీస్ అకౌంట్స్ పబ్లికేషన్ తన డేటాలో వెల్లడించింది.