ఖతార్: ఖతార్ వాతావరణ విభాగం (QMD) సూచన ప్రకారం.. జనవరి 17 నుండి గాలులు వీచే అవకాశం ఉంది. అలలు ఎగసిపడుతుండటంతో సముద్ర హెచ్చరికలు జారీ చేశారు. ఈ వాతావరణం వచ్చే వారం మధ్య వరకు కొనసాగుతుందని ఆ శాఖ పేర్కొంది. వారాంతంలో అలల ఎత్తు 3-7 అడుగుల మధ్య ఉంటుందని, అప్పుడప్పుడు కొన్నిసార్లు 10 అడుగులకు చేరుకుంటుందన్నారు. పౌరులు, నివాసితులు జాగ్రత్తగా ఉండాలని, హెచ్చరిక సమయంలో అన్ని సముద్ర కార్యకలాపాలకు దూరంగా ఉండాలని కోరారు. ఈ వారాంతంలో ఉష్ణోగ్రతలు కూడా 13°C నుండి 23°C వరకు ఉంటాయన్నారు. అల్ నయీమ్ నక్షత్రం ఇటీవలి పెరుగుదలతో రాబోయే రోజుల్లో విపరీతమైన చలి కొనసాగుతుందని అంచనా వేస్తున్నారు. ఇది 13 రోజుల పాటు కొనసాగుతుందన్నారు.