మనామా: లేబర్ మార్కెట్ రెగ్యులేటరీ అథారిటీ (LMRA) జనవరి 12 – 18 మధ్య 636 తనిఖీ క్యాంపెయిన్ లను నిర్వహించింది. ఈ సందర్బంగా నిబంధనలు ఉల్లంఘించిన 118 మందిని బహిష్కరించడంతోపాటు తదుపరి చట్టపరమైన చర్యల కోసం 21 మంది అక్రమ కార్మికులను అదుపులోకి తీసుకున్నారు.  బహ్రెయిన్ రాజ్యంలోని లేబర్ మార్కెట్ రెగ్యులేటరీ అథారిటీ నిబంధనలు, రెసిడెన్సీ చట్టాలకు సంబంధించి అన్ని గవర్నరేట్‌లలోని 624 చోట్ల తనిఖీలు నిర్వహించారు. వీటితోపాటు 12 జాయింట్ ఇన్‌స్పెక్షన్ క్యాంపెయిన్‌లను చేపట్టారు.  ప్రతి గవర్నరేట్‌లోని సంబంధిత పోలీసు డైరెక్టరేట్‌లతో పాటు జాతీయత, పాస్‌పోర్ట్‌లు, నివాస వ్యవహారాలు (NPRA) ప్రాతినిధ్యం వహిస్తున్న అంతర్గత మంత్రిత్వ శాఖ సహకారంతో సంయుక్తంగా తనిఖీలు నిర్వహించారు.