మస్కట్: ఒమన్ - ఖతార్ ఎకానమీ ఇంటిగ్రేషన్ దిశగా అడుగులు వేయనున్నారు. హిజ్ మెజెస్టి సుల్తాన్ హైతామ్ బిన్ తారిక్,  షేక్ తమీమ్ బిన్ హమద్ అల్ థానీల నాయకత్వంలో రెండు దేశాలు వివిధ రంగాలలో తమ విశిష్ట సంబంధాలను ప్రోత్సహిస్తూనే ఉన్నాయి. ఖతార్ ఎమిర్ ఒమన్‌లో తన అధికార పర్యటనను జనవరి 28న ప్రారంభించనున్నారు. రెండు దేశాల మధ్య ద్వైపాక్షిక సంబంధాల కోసం కొత్త ట్రాక్ ప్రారంభం అవుతుందని పేర్కొన్నారు. ఇరుపక్షాల మధ్య ద్వైపాక్షిక ఆర్థిక, వాణిజ్య సంబంధాలను మరింత ముందుకు తీసుకుపోనుందని భావిస్తున్నారు.  

1995లో ఏర్పాటైన ఒమానీ-ఖతారీ జాయింట్ కమిటీ.. ఉమ్మడి ప్రయోజనాలకు ఉపయోగపడే పెట్టుబడి ప్రాజెక్టులను ఏర్పాటు చేయడం ద్వారా ఇరు దేశాల మధ్య ఉమ్మడి సహకారాన్ని పెంపొందించడానికి దోహదం చేస్తుంది. ఈ కమిటీ గతేడాది వరకు 23 సమావేశాలు నిర్వహించింది. నేషనల్ సెంటర్ ఫర్ స్టాటిస్టిక్స్ అండ్ ఇన్ఫర్మేషన్ జారీ చేసిన డేటా ప్రకారం.. ఒమన్ - ఖతార్ రాష్ట్రం మధ్య వాణిజ్య సంబంధం 2023 చివరి నాటికి RO 1,113.3 మిలియన్లకు చేరుకుంది., అందులో RO 284.7 మిలియన్లు ఒమానీ ఎగుమతుల విలువ కాగా, ఖతార్ నుండి ఒమానీ దిగుమతుల విలువ RO 828.6 మిలియన్. నవంబర్ 2024 చివరి నాటికి రెండు దేశాల మధ్య వాణిజ్య మార్పిడి పరిమాణం దాదాపు RO 950.8 మిలియన్లకు చేరుకుంది.  సుల్తానేట్ ఆఫ్ ఒమన్‌లో ఖతార్ పెట్టుబడులు 2022లో RO 651.9 మిలియన్లతో పోలిస్తే 2023 చివరి నాటికి 12 శాతం వృద్ధిని సాధించి RO 730 మిలియన్లకు చేరుకుంది.