రియాద్: మక్కా, మదీనా నగరాల్లో రియల్ ఎస్టేట్ కలిగి ఉన్న లిస్టెడ్ సౌదీ కంపెనీలలో విదేశీయులు పెట్టుబడులు పెట్టడానికి అనుమతించబడతారని సౌదీ క్యాపిటల్ మార్కెట్ అథారిటీ (CMA) ప్రకటించింది. ఈ నిర్ణయం జనవరి 27 అమల్లోకి వచ్చిందన్నారు. పెట్టుబడులను ప్రోత్సహించడం, క్యాపిటల్ మార్కెట్ ఆకర్షణ, సామర్థ్యాన్ని పెంపొందించడం, స్థానిక ఆర్థిక వ్యవస్థకు మద్దతునిస్తూ ప్రాంతీయ, అంతర్జాతీయ పోటీతత్వాన్ని బలోపేతం చేయడం ఈ చర్య లక్ష్యం అని సౌదీ క్యాపిటల్ మార్కెట్ రెగ్యులేటర్ ఒక ప్రకటనలో తెలిపింది. మక్కా, మదీనాలలో ప్రస్తుత, భవిష్యత్తు ప్రాజెక్టులకు అవసరమైన లిక్విడిటీని అందించడం, ఈ విలక్షణమైన అభివృద్ధి ప్రాజెక్టులకు కీలకమైన నిధుల వనరుగా ఉంచడం వంటివి ఉన్నాయని  పేర్కొంది. CMA నిర్ణయం ప్రకారం.. ఈ కంపెనీలలో విదేశీ పెట్టుబడులు క్యాపిటల్ మార్కెట్‌లో జాబితా చేయబడిన ఈ సౌదీ కంపెనీల షేర్లకు, అలాగే కన్వర్టిబుల్ డెట్ ఇన్‌స్ట్రుమెంట్‌లకు లేదా రెండింటికి మాత్రమే పరిమితం చేయబడతాయి. అయితే, సౌదీ జాతీయత లేని వ్యక్తులు పాల్గొన్న కంపెనీలలో 49 శాతం కంటే ఎక్కువ వాటాలను కలిగి ఉండటానికి అనుమతించరు.  వ్యూహాత్మక విదేశీ పెట్టుబడిదారులు, ఈ కంపెనీలలో షేర్లు లేదా కన్వర్టిబుల్ డెట్ ఇన్‌స్ట్రుమెంట్‌లను కలిగి ఉండటానికి అనుమతి లేనివారు, ఈ కంపెనీల వాటాలను కలిగి ఉండటం నుండి మినహాయించారు. 

అదే సమయంలో CMA సౌదీ లిస్టెడ్ కంపెనీలకు మక్కా, మదీనాలోని తమ ప్రధాన కార్యాలయం లేదా శాఖ కార్యాలయాల కోసం కేటాయించిన ఆస్తులపై యాజమాన్యం, సౌలభ్యం లేదా ఉపయోగ హక్కులను పొందే హక్కును మంజూరు చేస్తుంది. ఇది సౌదీయేతరుల రియల్ ఎస్టేట్ యాజమాన్యం, పెట్టుబడి చట్టం ప్రకారం మినహాయింపు నియంత్రణల మినహాయింపు నిబంధనలకు అనుగుణంగా ఈ ప్రయోజనం కోసం పూర్తిగా ఉపయోగించబడే ఆస్తిపై ఆధారపడి ఉంటుంది. 2021లో మక్కా, మదీనా సరిహద్దుల్లో పెట్టుబడి పెట్టే రియల్ ఎస్టేట్ ఫండ్‌లకు సభ్యత్వం పొందేందుకు సౌదీయేతరులను తాజాగా CMA అనుమతించడాన్నిస్వాగతిస్తున్నారు. సౌదీ విజన్ 2030 లక్ష్యాలకు మద్దతు ఇచ్చిందని, ఇది సౌదీ క్యాపిటల్ మార్కెట్‌ను స్థానిక , విదేశీ పెట్టుబడులకు ఆకర్షణీయంగా మార్చే లక్ష్యంతో ఉందని పలువురు మార్కెట్ నిపుణులు అభిప్రాయబడుతున్నారు.