మనామా: బహ్రెయిన్‌లో ఫేక్ కాన్సర్ట్ టిక్కెట్ల వ్యవహారం కొత్త మలుపు తిరిగింది. ఈ కేసులో కీలక సూత్రధారి అయిన అరబ్ వ్యక్తిని ఇంటర్నేషనల్ క్రిమినల్ పోలీస్ ఆర్గనైజేషన్ (ఇంటర్‌ పోల్) సహాయంతో యాంటీ-సైబర్ క్రైమ్స్ డైరెక్టరేట్ అదుపులోకి తీసుకుంది. అంతర్జాతీయ అరెస్ట్ వారెంట్ నేపథ్యంలో అతడిని అరెస్ట్ చేసినట్లు డైరెక్టరేట్ తెలిపింది. కాగా, ఈ కేసు  బహ్రెయిన్ వెలుపల జరిగిందని, ఇందులో నిందితుడిపై కేసు నమోదైంది. అతడిని అరెస్ట్ చేయాలని ఇంటర్ పోల్ అరెస్ట్ వారెంట్ జారీ చేసిందని పేర్కొంది. అవసరమైన అన్ని చట్టపరమైన విధానాలు పూర్తయిన తరువాత తదుపరి దర్యాప్తు కోసం అతడిని పబ్లిక్ ప్రాసిక్యూషన్‌కు అప్పగించినట్టు వెల్లడించారు.