మస్కట్: 2024 అవినీతి అవగాహనల ఇండెక్స్ ఫలితాల్లో ఒమన్ పురోగతిని నమోదుచేసింది. 180 దేశాలలో ప్రపంచవ్యాప్తంగా 50 వ స్థానంలో ఒమన్ నిలిచింది. అరబ్ ప్రపంచంలో 4 వ స్థానంలో ఉంది. 2023 లో 70 వ స్థానంలో ఉండగా, ఈసారి 20 స్థానాలను మెరుగుపరుకుంది. గత ఏడాది 43 నుండి 55 స్కోరుతో, 12 పాయింట్ల పెరుగుదలను నమోదు చేసింది. అవినీతి అవగాహనల ఇండెక్స్ ను బెర్లిన్‌లోని ప్రధాన కార్యాలయంలో విడుదల చేశారు.  ప్రజా నిధులను రక్షించడంలో, వారి సామర్థ్యాన్ని మెరుగుపరచడం,  సమగ్రతను ప్రోత్సహించడంలో ఉత్తమ అంతర్జాతీయ పద్ధతులను అవలంబించడానికి ఒమన్ నిబద్ధతకు ఈ ర్యాంక్ అద్దం పడుతుందని  డాక్టర్ స్టేట్ ఆడిట్ ఇన్స్టిట్యూట్ (SAI) స్పోక్స్పర్సన్ హమ్యార్ నాజర్ అల్ మహ్రోకి హర్షం వ్యక్తం చేశారు.