రియాద్:  క్రౌన్ ప్రిన్స్, ప్రధాన మంత్రి మహ్మద్ బిన్ సల్మాన్ ఆధ్వర్యంలో రియాద్‌లో విదేశాంగ కార్యదర్శి మార్కో రూబియో, రష్యా కౌంటర్ సెర్గీ లావ్‌రోవ్ మధ్య చర్చలు జరపడంలో సౌదీ అరేబియా పోషించిన చొరవను యూఎస్ విదేశాంగ శాఖ ప్రశంసించింది. అధికార ప్రతినిధి టామీ బ్రూస్ మాట్లాడుతూ.. యునైటెడ్ స్టేట్స్ యుద్ధాన్ని ముగించి శాంతిని సాధించాలని ప్రయత్నిస్తోందని తెలిపారు. ఉక్రెయిన్‌లో వివాదాన్ని విజయవంతంగా పరిష్కరించడం ద్వారా చారిత్రక ఆర్థిక, పెట్టుబడి అవకాశాల భౌగోళిక రాజకీయ సమస్యలపై భవిష్యత్ సహకారానికి ఇది పునాది వేస్తుందని పేర్కొన్నారు.