యూఏఈ: జనవరి 2024లో యూఏఈ నివాసి జెన్ (అభ్యర్థనపై పూర్తి పేరు మార్చారు) వివాహం కాకుండా ఆరోగ్యకరమైన మగబిడ్డకు జన్మనిచ్చింది. అవివాహిత అయినప్పటికీ, ఆమె ఫిబ్రవరి 2023 నుండి తన ముస్లిం భాగస్వామితో నివసిస్తోంది. తాను ముస్లిమేతరురాలు కాబట్టి, 20 ఏళ్లలో ఉన్న ఆ యువ ప్రవాస తల్లి, ఆ బిడ్డ అరబ్ తండ్రి భవిష్యత్తులో తమ నవజాత శిశువును పూర్తిగా కస్టడీలోకి తీసుకునే అవకాశం ఉందని ఆందోళన వ్యక్తం చేసింది. ఈ పరిస్థితిలో ఆమె హక్కుల గురించి ప్రశ్నలు లేవనెత్తింది.

యూఏఈలోని అవివాహిత తల్లుల హక్కులను, ముఖ్యంగా ముస్లిం భాగస్వాములతో సంబంధాలు కలిగి ఉన్న వారి హక్కులను అర్థం చేసుకోవడానికి న్యాయ నిపుణులు అభిప్రాయాలను తెలిపారు. "నా భాగస్వామి తన పెట్టుబడుల కారణంగా ఆర్థికంగా బాగానే ఉన్నాడు. నేను నా ఉద్యోగంపై ఆధారపడి ఉన్నాను. నా కొడుకు భవిష్యత్తును సురక్షితంగా ఉంచాలని నేను కోరుకుంటున్నాను ఎందుకంటే అతని తండ్రి మా సంబంధానికి ఎప్పుడూ కట్టుబడి ఉండలేదు మరియు వివాహం గురించి ఎప్పుడూ ప్రస్తావించలేదు" అని తల్లి జెన్ అన్నారు. "నా కొడుకు పూర్తి బాధ్యతను నేను పొందగలనా లేదా అని నేను తెలుసుకోవాలనుకుంటున్నాను. అది తండ్రి వైపు మొగ్గు చూపే సుదీర్ఘ న్యాయ పోరాటం ద్వారా వెళ్ళాల్సిన అవసరం లేదు" అని ఆమె అన్నారు.

ఆ బిడ్డ జెన్ స్పాన్సర్‌షిప్ కింద ఉందని, దుబాయ్ రెసిడెన్సీ వీసా కలిగి ఉందని తెలిపారు. "ఇది అంత సులభం కాదు, కానీ నా బిడ్డకు పాస్‌పోర్ట్, జనన ధృవీకరణ పత్రం పొందగలిగాను. నేను ఆ ప్రక్రియను పూర్తి చేశాను. జనన ధృవీకరణ పత్రంలో మా పేర్లు, మా మతపరమైన నేపథ్యాలు రెండూ ఉన్నాయ. కానీ ఇంటిపేరు లేదు" అని ఆమె చెప్పింది.

యూఏఈ కుటుంబ చట్టాలలో మార్పులు వివాహం వెలుపల ఏకాభిప్రాయ సంబంధాలను నేరరహితం చేశాయి. అవివాహిత తల్లిదండ్రులకు సంబంధించిన నిబంధనలను ప్రవేశపెట్టాయి. ఈ సంస్కరణలు తల్లిదండ్రుల వైవాహిక స్థితితో సంబంధం లేకుండా ప్రతి బిడ్డ హక్కులను రక్షించే మరియు గౌరవాన్ని నిలబెట్టేలా ఉంటాయని తెలిపారు.

"అవివాహిత స్థితి సవాళ్లను కలిగిస్తున్నప్పటికీ, యూఏఈ కోర్టులు పిల్లల సంక్షేమానికి ప్రాధాన్యత ఇస్తాయి. బాగా నిర్మాణాత్మకమైన చట్టపరమైన విధానం మతపరమైన, సాంస్కృతిక అవసరాలను గౌరవిస్తూ తల్లి మరియు పిల్లల హక్కులను కాపాడుతుంది" అని హోసం జకారియా లీగల్ కన్సల్టెన్సీ మరియు సేవల CEO & వ్యవస్థాపకుడు హోసం జకారియా అన్నారు. "కస్టడీ అనేది కేవలం చట్టపరమైన హక్కు మాత్రమే కాదు. ఒక లోతైన బాధ్యత. ఇది సహజ వాతావరణంలో, ప్రధానంగా తల్లి సంరక్షణలో పిల్లల స్థిరత్వం మరియు నైతిక పెంపకాన్ని నిర్ధారిస్తుంది" అని నిఖత్ సర్దార్ ఖాన్ అన్నారు.
వివాహం కాకుండా లైంగిక సంబంధం ద్వారా లేదా వివాహేతర సంబంధం ద్వారా బిడ్డ జన్మించినట్లయితే, ప్రమేయం ఉన్న పార్టీలు ఒకరినొకరు వివాహం చేసుకుంటే లేదా తల్లిదండ్రులలో ఒకరు లేదా ఇద్దరూ పిల్లల పితృత్వాన్ని అంగీకరించి, రాష్ట్ర చట్టాలకు అనుగుణంగా పిల్లల గుర్తింపు పత్రాలు, పాస్‌పోర్ట్‌లను పొందినట్లయితే క్రిమినల్ ప్రాసిక్యూషన్‌ను నివారించవచ్చని యూఏఈ చట్టం నిర్దేశిస్తుందని వెల్లడించారు.
న్యాయ నిపుణుల అభిప్రాయం ప్రకారం..యూఏఈ చట్టం ప్రకారం, తల్లి మతంతో సంబంధం లేకుండా, ముస్లిం తండ్రికి జన్మించిన బిడ్డను చట్టబద్ధంగా ముస్లింగా పరిగణిస్తారు. అయితే, ఈ చట్టపరమైన హోదా ఆటో మెటిక్ గా తండ్రికి పూర్తి కస్టడీ హక్కులను ఇవ్వదని పేర్కొన్నారు.