అసలు సిసలు కవిత్వం
- April 19, 2017అసలు సిసలు కవిత్వం:
అసలు సిసలు కవితకెపుడు
స్వానుభవమె పుట్టినిల్లు;
గుండెకొలిమిలోన మరిగి,
కంటికొనలలోన కరిగి,
పంటిబిగువులోన నలిగి,
ఒంటినరములోన ఉరికె-
అసలు సిసలు కవితకెపుడు
స్వానుభవమె పుట్టినిల్లు.
వాల్మీకీ శ్లోకములకు
స్వానుభవమె పుట్టినిల్లు;
జాషువా పద్యగతికి
స్వానుభవమె పుట్టినిల్లు;
శ్రీ శ్రీ కవితాగ్నికి
స్వానుభవమె పుట్టినిల్లు;
అహర్నిశం అణగద్రొక్కి
అనుక్షణం అదిమిపెట్టి
అనుభవాలు చెక్కినట్టి
కవితాక్షర శిల్పం;
ఎర్రగానె మంటపెట్టి
కాల్చికాల్చి కరగగొట్టి
సమ్మెటతో వంచినట్టి
లోహాక్షర ఖడ్గం;
అదే అదే మహత్వం
అదే అదే పటుత్వం
చచ్చినట్టి జడత్వం
అసలు సిసలు కవిత్వం.
-సిరాశ్రీ
(పొద్దున్నే కాసేపు జాషువాగారి పద్యాలు చదివిన స్వానుభవంతో )
తాజా వార్తలు
- హ్యూమన్ ట్రాఫికింగ్ గ్యాంగ్ గుట్టు రట్టు చేసిన విశాఖ పోలీసులు..
- బాంబు దాడుల పై ఈసీ సీరియస్..బాటిళ్లలో ఇక పెట్రోల్కు నో
- ఆ దేశంలోని భారతీయ విద్యార్థులందరూ ఇళ్ల నుంచి బయటకు రాకండి: కేంద్ర మంత్రి ఎస్ జైశంకర్
- ప్రొఫెసర్ వెల్చ్ కు యూఏఈ ప్రెసిడెంట్ బంపరాఫర్..!
- యూఏఈలో స్వల్ప భూకంపం
- 'అర్ధరాత్రి దొంగ'కు ఏడాది జైలు, జరిమానా
- బహ్రెయిన్ టాలెంట్ హబ్.. ఔట్రీచ్ నివేదిక వెల్లడి
- పబ్లిక్ టాయిలెట్లలో జెమ్స్ భయమా? Dh10తో పరిష్కారం..!
- దోహా ఇంటర్నేషనల్ బుక్ ఫెయిర్లో కొత్త పోటీలు
- యాదాద్రిలో ప్లాస్టిక్ పై నిషేధం..ఉత్తర్వులు జారీ