రహస్యపు అంతరంగం...!!

'మ'రణం పదే పదే పలకరిస్తుంటే

చెదరని చిరునవ్వులు చిందిస్తూ
మళ్ళి రమ్మని వాయిదాలు వేస్తూ
ఉలికిపడే ఊపిరితో ఊసులాడుతూ
తెల్లని కాగితాలపై నల్లని సిరా ఒలికిస్తూ
అక్షరాల సహవాసంలో సేదదీరుతూ
భావాలను మాలిమి చేసుకుంటూ
మనసు మౌనాలకు మాటలద్దుతూ
గతపు గాయాల గుండె చప్పుళ్ళు వింటూ
కాలాన్ని ఒడిసి పట్టాలని ఉవ్విళ్ళూరుతూ
మిగిలిన క్షణాల ముచ్చట్లకై ఎదురుచూస్తూ
రాలిపడలేని రాతిరి చుక్కల ఆరాటమే
రెక్కలు విప్పిన ఈ రహస్యపు అంతరంగం...!!

--మంజు యనమదల 

Back to Top