ఆ ఇల్లు ఎవరిది?
- June 16, 2017ఆ ఇంట్లో
కొక్కేలకి కవితలు వ్రేలాడుతున్నాయి;
దండేలపై అక్షరాలు ఆరేసున్నాయి;
కుండీల్లో రంగురంగుల గజళ్లు
అద్దాల అల్మరాలో గేయాలు
అగరుపొగల్లో పద్యాలు
గుబాళిస్తున్నాయి;
తివాచీలపై రుబాయీలు
దీవాన్ దుప్పటిపై కావ్యాలు
టీపాయ్ మీద హైకూలు నానీలు
అద్దబడి ఉన్నాయి;
ఆ దంపతులు తత్సమాల్లా,
పిల్లలు తద్భవాల్లా ఉన్నారు;
గదుల మధ్య సంధులున్నా
వారి బంధాలు సమాసాల్లా ఉన్నాయి;
ఆలోచనలు సంయుక్తాలైనా
వారి నిర్ణయాలు ద్విత్వాలవుతున్నాయి;
వంటల్లో వ్యాకరణం,
వడ్డింపులో ఛందస్సు ఉన్నాయి;
చూపుల్లోనే శబ్దాలు,
నవ్వుల్లోనే అర్ధాలు ఉన్నాయి;
ఆ ఇల్లు ఎవరిదోగాని-
కళ్లు మూసుకుంటే కనిపిస్తోంది,
తెరిస్తే మాయమౌతోంది.
-సిరాశ్రీ
తాజా వార్తలు
- రాష్ట్రపతి చేతుల మీదుగా పద్మవిభూషణ్ పురస్కారం అందుకున్న మెగాస్టార్ చిరంజీవి
- ఎయిరిండియా సిబ్బంది మూకుమ్మడిగా సెలవు..
- జగన్ విదేశీ పర్యటనకు అనుమతి ఇవ్దొద్దు: కోర్టును కోరిన సీబీఐ
- ఒమన్ రియల్ ఎస్టేట్ ప్రాజెక్ట్లకు మంచి రోజులు..!
- జహ్రా గవర్నర్ను కలిసిన భారత రాయబారి
- 66కు పెరిగిన సౌదీ ఇ-విజిట్ వీసా పూల్ దేశాలు
- దుబాయ్లో కొత్త ట్రాఫిక్ ప్లాన్ కు ఆమోదం
- క్యాబిన్ క్రూ సంక్షోభం.. తగ్గనున్న ఎయిర్ ఇండియా సర్వీసులు..!
- షేక్ హజ్జా బిన్ సుల్తాన్ బిన్ జాయెద్ మృతికి సంతాపం తెలిపిన యూఏఈ ప్రెసిడెంట్
- దుబాయ్ లో పెరిగిన టాక్సీ ఛార్జీలు..!