అంతరిక్ష పరిశోధనల కోసం జీవితాన్ని అంకితం చేసిన భారత సంతతి వ్యోమగామి కల్పనాచావ్లా అమెరికా వీర మహిళ అని ఆ దేశ అధ్యక్షుడు డొనాల్డ్‌ ట్రంప్‌ కొనియాడారు. వ్యోమగాములు కావాలని లక్షల మంది బాలికల్లో ఆమె స్ఫూర్తి నింపారని ప్రశంసించారు. ఏటా మే నెలను ఆసియా -పసిఫిక్‌ అమెరికా వారసత్వ మాసంగా ప్రకటిస్తూ వాషింగ్టన్‌లో ఉత్తర్వులు జారీ చేసిన సందర్భంగా ట్రంప్‌ ఈ వ్యాఖ్యలు చేశారు. కల్పనాచావ్లా రోదసీలోకి వెళ్లిన తొలి భారత సంతతి మహిళ అని.. స్పేస్‌ షటిల్‌ సహా వేర్వేరు ప్రయోగాల కోసం ఆమె అంకిత భావంతో పనిచేశారని ట్రంప్‌ అన్నారు.