పశ్చిమ జపాన్‌లోని యూనివర్శల్ స్టూడియోస్ ఎమ్యూజ్‌మెంట్ పార్కులో ఒక రోలర్ కోస్టర్ ఉన్నట్టుండి ఆగిపోయింది. దీనితో రోలర్ కోస్టర్‌లో విహరిస్తున్న సుమారు 64 మంది 2 గంటలపాటు వేలాడుతూ ఉండిపోయారు. ఎమర్జెన్సీ స్టాప్ కారణంగా ఆగిపోవటంతో 100 అడుగుల ఎత్తులో చిక్కుకుపోయారు. పార్కు సిబ్బంది ఎమర్జెన్సీ మార్గంలో బయటకు తీసుకువచ్చారు. ఈ ఘటనలో ఎవరికీ ప్రమాదం జరగలేదు. గతంలో కూడా ఇటువంటి ఘటనలు చోటుచేసుకున్నాయి. 1120 మీటర్ల పొడవైన ఈ రోలర్ కోస్టర్‌ను 2016 మార్చిలో ప్రారంభించారు.