రోడ్డు ప్రమాదం: రెండు కార్లను ఢీకొన్న మరో కారు
February 11, 2019
యూఏఈ మినిస్ట్రీ ఆఫ్‌ ఇంటీరియర్‌, వాహనదారుల్ని అప్రమత్తం చేస్తూ ఓ వీడియోను సోషల్‌ మీడియాలో షేర్‌ చేసింది. ట్రాఫిక్‌ సిగ్నల్‌ని గమనించిన రెండు కార్లు తమ వేగాన్ని తగ్గించగా, దీన్ని గమనించి మరో కారు వేగంగా దూసుకొచ్చి, ఆ రెండు కార్లను ఢీకొనడం వీడియోలో స్పష్టంగా కన్పిస్తోంది. ఈ తరహా రోడ్డు ప్రమాదాలకు ఏకాగ్రత లోపించడమే కారణమని మినిస్ట్రీ చెబుతోంది. వాహనాలు నడిపేటప్పుడు అప్రమత్తంగా వుండాలనీ ఫోన్లను వాడటం, మేకప్‌ వేసుకోవడానికి ప్రయత్నించడం, పిల్లలతో ఎంటర్‌టైన్‌ అవడం, కారులో వెళుతూ ఆహారం తీసుకోవడం వంటివి ప్రమాదాలకు కారణమని మినిస్ట్రీ చెబుతోంది.
