గల్ఫుగాది
- April 07, 2016ఎడారిలో కోయిల
తెలుగు పాట
పాడుతోంది.
ఖర్జూరానికి
మరో ఆరు రుచులు
తోడొచ్చాయి.
దినార్లు, దిర్హాంలు,
రియళ్ళు-
వేపపువ్వు కోసం
వెతుక్కుంటున్నాయి.
అరబ్బీ మురబ్బాలు
ఉగాది పచ్చడి రుచికి
వారెవా
అంటున్నాయి.
అలిఫ్, బె, పె, టేలు
తెలుగుకి "నమస్కారం" చెప్పాయి;
అ, ఆ, ఇ, ఈలు
అరబ్బీతో "మర్హాబా" అన్నాయి
"నీ గజల్, రుబాయిలు నా కవిత్వంలో ఉన్నాయి"
అంది అరబ్బీతో తెలుగు;
"నీ పిల్లలెందరో నా గుండెల్లో ఉన్నారు"
అంది తెలుగుతో అరబ్బీ.
"నీ పెట్రోల్ బావులు ఖరీదైనవి"
అంది అరబ్బీతో తెలుగు
"కష్టజీవులైన నీ పిల్లల మనసుల కన్నానా?"
అంది తెలుగుతో అరబ్బీ.
ఖురాన్ సురాలు నినదించే గాలికి
వేదభూమి పంపిన వసంత కానుక-
ఆరు రుచులుతో
రెండు సంస్కృతులు
సంగమం-
గల్ఫ్ లో ఉగాది.
-సిరాశ్రీ.
తాజా వార్తలు
- అబుదాబి పోలీసుల అలెర్ట్..అలా చేస్తే 1,000 దిర్హామ్ ఫైన్
- ఈద్ వేడుకల్లో అపశృతి.. 38 మందికి గాయాలు
- పాలస్తీనా శరణార్థులకు యుఎన్ఆర్డబ్ల్యుఎ మద్దతు
- తుఫాను ప్రభావిత ప్రాంత నివాసితులకు శుభవార్త..!
- NRIలకు IFSCA పెట్టుబడి అవకాశాలపై సెమినార్
- ఖతార్ సరిహద్దులో భారీగా ఆయుధాలు స్వాధీనం
- సోషల్ మీడియాలో విమర్శలు.. ఉపాధ్యాయుడికి జరిమానా
- 30 ఎయిర్బస్ విమానాలు ఆర్డర్ చేసిన ఇండిగో
- JEE మెయిన్ రిజల్ట్స్ విడుదల..
- రేపు హైదారాబాద్ లో ఉపరాష్ట్రపతి పర్యటన..