రియాద్: సౌదీ అరేబియాలో పర్యాటక మంత్రిత్వ శాఖ కొరడా ఝులిపిస్తుంది. అన్ని మూసివేసిన పర్యాటక సౌకర్యాలపై సమగ్ర సర్వే నిర్వహించింది. మూసివేత ఉత్తర్వులను ఉల్లంఘించిన వాటిపై కఠినంగా వ్యవహారిస్తుంది.

సౌదీ అరేబియా పర్యాటక చట్టాలు, కార్యనిర్వాహక నిబంధనలను ఉల్లంఘించినట్లు తేలిన సంస్థలపై చట్టపరమైన జరిమానాలను అమలు చేస్తూనే ఉంటామని మంత్రిత్వ శాఖ హెచ్చరించింది. SR1 మిలియన్ వరకు జరిమానాలు, మూసివేత ఉత్తర్వులు లేదా రెండూ విధించబడతాయని స్పష్టం చేసింది.

మంత్రిత్వ శాఖ నుండి చెల్లుబాటు అయ్యే లైసెన్స్ లేకుండా పనిచేసే లేదా లైసెన్స్ గడువు ముగిసిన తర్వాత, రద్దు చేసిన తర్వాత లేదా సస్పెన్షన్ సమయంలో పనిచేయడం కొనసాగించే అన్ని సౌకర్యాలకు ఈ చర్యలు వర్తిస్తాయని పేర్కొన్నారు.   అవసరమైన లైసెన్స్‌లను పొందడంతో సహా అన్ని ఆతిథ్య, పర్యాటక సేవా సంస్థలు నిబంధనలకు కట్టుబడి ఉండాలని మంత్రిత్వ శాఖ సూచించింది.