యూఏఈ: మంగళవారం నాడు ఈద్ క్యాంప్ నుండి తిరిగి వస్తుండగా 53 ఏళ్ల మహిళ ప్రయాణిస్తున్న కారు బోల్తా పడటంతో మృతి చెందింది. భారతీయ ప్రవాసురాలు సజినాబాను తన కుటుంబంతో కలిసి అల్ అయిన్ నుండి అజ్మాన్ కు ప్రయాణిస్తుండగా ఈ ప్రమాదం జరిగింది. ఆమెకు ఇద్దరు కుమారులు, భర్త నజీర్ ఉన్నారు. నజీర్ 30 సంవత్సరాలకు పైగా అజ్మాన్‌లో నివసిస్తున్నారు . 
 సోమవారం అల్ ఐన్‌లోని ఒక ఫామ్‌హౌస్‌కు ఒక రోజు క్యాంప్ కోసం సజినాబాను కుటుంబం వెళ్లింది. పొలంలో విశ్రాంతి తీసుకున్న తర్వాత, వారు అజ్మాన్‌లోని వారి ఇళ్లకు బయలుదేరారు. కానీ దాదాపు వెంటనే విషాదం సంభవించింది.
సజినాబాను భర్త మేనకోడలు చెప్పిన దాని ప్రకారం.. ఈ విషాద సంఘటన జరిగినప్పుడు కుటుంబ సభ్యులు రెండు కార్లలో ప్రయాణిస్తున్నారు. ప్రమాదంలో గాయపడ్డ సజినాబానును అల్ అయిన్‌లోని ఆసుపత్రికి తరలించగా, అక్కడ ఆమె మరణించినట్లు డాక్టర్లు ప్రకటించారు.