రియాద్:  పౌర అణుశక్తి, సాంకేతికతలో దీర్ఘకాలిక సహకారంపై యునైటెడ్ స్టేట్స్ , సౌదీ అరేబియా ఒక ఒప్పందంపై సంతకం చేస్తాయని యూఎస్ ఇంధన కార్యదర్శి క్రిస్ రైట్ ప్రకటించారు. ఆదివారం సౌదీ రాజధాని రియాద్‌లో జరిగిన విలేకరుల సమావేశంలో, వాషింగ్టన్ - రియాద్ మధ్య అణు సహకారంపై మరిన్ని వివరాలను ఈ సంవత్సరం చివర్లో ప్రకటిస్తామని రైట్ చెప్పారు. "సౌదీ అరేబియాతో ఖచ్చితంగా 123 అణు ఒప్పందం ఉంటుంది" అని అమెరికా విదేశాంగ కార్యదర్శి ప్రస్తావించారు. 1954 అణుశక్తి చట్టంలో భాగమైన "123 ఒప్పందం", యునైటెడ్ స్టేట్స్ దాని భాగస్వాముల మధ్య చట్టబద్ధంగా కట్టుబడి ఉండే చట్రంలో శాంతియుత అణు సహకారాన్ని అందిస్తుంది.

అమెరికా చట్టం ప్రకారం.. అణు రియాక్టర్ ఇంధనం వంటి అమెరికా అణు పదార్థాల గణనీయమైన ఎగుమతులకు, అణు రియాక్టర్లు  కీలక భాగాల వంటి పరికరాలను మరొక భాగస్వామికి లైసెన్స్ ఇచ్చే ముందు 123 ఒప్పందం అమలులో ఉండాలని అమెరికా విదేశాంగ శాఖ తెలిపింది. అంతకుముందు అమెరికా ఇంధన కార్యదర్శి శనివారం యూఏఈ నుండి రియాద్‌కు చేరుకున్నారు.