కువైట్ః ఫైర్ సేఫ్టీ ఉల్లంఘనలపై కువైట్ అగ్నిమాపక దళం (KFF) కఠిన చర్యలు చేపట్టింది. బ్నీద్ అల్-గర్‌లోని ఒక వాణిజ్య భవనాన్ని సీజ్ చేసింది. దాని బేస్‌మెంట్‌లో మండే, రసాయన పదార్థాలను సరిగ్గా నిల్వ చేయనందుకు మూసివేసింది. ఆదివారం నిర్వహించిన తనిఖీలో ఈ విషయాన్ని గుర్తించడంతో చర్యలు తీసుకున్నారు.  ఇలాంటి సంఘటనలు అగ్ని ప్రమాద తీవ్రతను పెంచడంతోపాటు ప్రాణాలకు, ఆస్తికి ప్రమాదాలను పెంచుతాయని KFF చీఫ్ మేజర్ జనరల్ తలాల్ అల్-రౌమి తెలిపారు.