మనామా: బహ్రెయిన్‌లోని శ్రీలంక క్లబ్ సింహళ స్కూల్.. శ్రీలంక ఇంజనీరింగ్ సొసైటీ బహ్రెయిన్‌తో కలిసి  ఏప్రిల్ 11న బార్బర్‌లోని అబు నెజార్ స్విమ్మింగ్ పూల్ ప్రాంగణంలో సింహళ, తమిళ నూతన సంవత్సర వేడుకలను నిర్వహించింది.  బహ్రెయిన్‌లోని శ్రీలంక రాయబార కార్యాలయ అధికారులు, వెయ్యి మందికి పైగా శ్రీలంక ప్రజలు ఈ కార్యక్రమానికి హాజరయ్యారు. జాతీయ గీతాలు, సింహళ పాఠశాల పిల్లలు ప్రదర్శించిన నృత్యాలు అందరినీ ఆకట్టుకున్నాయి. నూతన సంవత్సర వేడుకల సమయంలో శ్రీలంక ఆహార పదార్థాలతో కూడిన అల్పాహార టేబుల్ ను ప్రదర్శించారు. అనంతరం చిన్నారులకు అనేక రకాల గేములను నిర్వహించారు.  చివరగా వివిధ పోటీలలో విజేతలుగా నిలిచిన వారికి నిర్వాహకులు బహుమతులు అందజేశారు.