కువైట్: ట్రాఫిక్ జరిమానాలపై డిస్కౌంట్లను అందించే మోసపూరిత వెబ్‌సైట్‌ల గురించి సహెల్ యాప్ తన వినియోగదారులకు హెచ్చరిక జారీ చేసింది. అధికారుల కథనం ప్రకారం, ఈ నకిలీ సైట్‌లు వినియోగదారుల బ్యాంకింగ్ సమాచారాన్ని దొంగిలించడానికి రూపొందించబడ్డాయి. సురక్షితమైన ఎలక్ట్రానిక్ చెల్లింపుల కోసం సహెల్ వంటి అధికారిక ప్రభుత్వ అప్లికేషన్‌లను ఉపయోగించాలని అంతర్గత వ్యవహారాల మంత్రిత్వ శాఖ పౌరులు, నివాసితులకు సూచించింది. సహెల్ యాప్ వినియోగదారులకు లింక్‌లను ఉపయోగించే ముందు వాటి ప్రామాణికతను చెక్ చేసుకోవాలని,  అనధికారిక లేదా నమ్మదగని వెబ్‌సైట్‌లలో బ్యాంకింగ్ వివరాలను నమోదు చేయవద్దని తెలిపింది.