కువైట్: కువైట్ లో రాబోయే నాలుగు రోజులపాటు (బుధవారం వరకు) కొన్ని ప్రాంతాల్లో ఉరుములు, మెరుపులతో కూడిన వర్షాలు, బలమైన గాలులు వీచే అవకాశం ఉందని, దుమ్ము, ధూళి కారణంగా విజిబిలిటీ తగ్గే అవకాశం ఉందని వాతావరణ శాఖ తాత్కాలిక డైరెక్టర్ ధరర్ అల్-అలీ తెలిపారు. స్థానికంగా "సారయత్" అని పిలువబడే ఈ కాలం వాతావరణ మార్పు చెందే కాలం అని, వాతావరణ అస్థిరతతో ఉంటుందని అల్-అలీ వివరించారు. హైవేలు, ఎడారి రోడ్లపై ప్రయాణించేవారు జాగ్రత్తగా ఉండాలని సూచించారు.